სამეზობლო პოლიტიკისა და გაფართოებაზე მოლაპარაკებების საკითხებში ევროკომისარმა იოჰანეს ჰანმა ბრიუსელში, ჟურნალისტებთან საუბრისას განაცხადა, რომ მნიშვნელოვანია, საქართველომ აღმოსავლეთ პარტნიორობის სამიტზე გაჟღერებული საკითხების განხორციელება დაიწყოს.

რუსთავი 2-ის თარგმანის მიხედვით, იოჰანეს ჰანმა თქვა, რომ 26 მაისს ის ევროკომისიის პრეზიდენტთან, ჟან-კლოდ იუნკერთან ერთად საქართველოში ჩამოვა. მისივე თქმით, ვიზიტი განმეორდება სექტემბერშიც, ევროპული სკოლის გახსნისას:

"საქართველოსა და ევროკავშირს შორის უკვე არსებობს თავისუფალი ვაჭრობის ზონის შეთანხმება და ვიზალიბერალიზაცია. აღმოსავლეთ პარტნიორობის სამიტზე კონკრეტულ მოსალოდნელ რეზულტატებზე შევთანხმდით. ჩვენ ვაღიარებთ საქართველოს დასავლურ კურსს. ახლა მნიშვნელოვანია იმ შესაძლებლობების გამოყენება, რომლებსაც საქართველოს ევროპა სთავაზობს, იმისთვის რომ ქვეყნის ევროპული პერსპექტივის რეალიზებისთვის, მომავალი მოლაპარაკებებისთვის, საფუძველი შეიქმნას".