რუსეთი ოკუპანტია - ამ სახელწოდების აქცია დღეს საოკუპაციო ხაზთან, სოფელ ქერეში გაიმართება.

აქციის მონაწილეები მოქალაქეების გატაცების ფაქტებს გააპროტესტებენ და ქერიდან ორი დღის წინ გატაცებული აკაკი მისირელის დაუყოვნებლივ გათავისუფლებას მოითხოვენ.

აქტივისტების თქმით, საოკუპაციო ხაზთან მდებარე სოფლებიდან აპრილში უკვე მეხუთე მოქალაქე გაიტაცეს.

აქციის მონაწილეების თქმით, 24-საათიანი გამაფრთხილებელი აქცია საღამომდე გაგრძელდება და მომდევნო ეტაპი უკვე რუსულნომრიანი სატვირთო მანქანების ბლოკირება იქნება.