დღეს, შავი ზღვის რიგით მე-10 ჯაზფესტივალი იხსნება. ფესტივალს ტრადიციულად ბათუმი მასპინძლობს. ფესტივალის პირველი დღე ქუინსი ჯონსის პროექტით გაიხსნება.

ბათუმის ჩოგბურთის კლუბში მსმენელის წინაშე 27 გრემის მფლობელი, ამერიკელი კომპოზიტორი, მესაყვირე, არანჟირების ოსტატი და მუსიკალური პროდიუსერი, მე–20 საუკუნის ერთ–ერთი ყველაზე მნიშვნელოვანი და გავლენიანი ჯაზის მუსიკოსი ქუინსი ჯონსი წარდგება. მუსიკოსი ქართველ მსმენელს პროექტს QUINCY JONES & THE GLOBAL GUMBO ALL STARS (feat. Richard Bona, Alfredo Rodriguez, Jacob Collier)) წარუდგენს და 3 ახალგაზრდა ვირტუოზს – რიჩარდ ბონას, ალფრედო როდრიგესს და ჯაკობ კოლიერს გააცნობს. მუსიკოსები მსმენელს3-საათიან პროგრამას შესთავაზებენ.

კონცერტი ბათუმის ჩოგბურთის კლუბში ტარდება. კლუბში შესვლას მსმენელი 20:00 საათიდან შეძლებს.

წელს ჯაზფესტივალი Check in Georgia-ს ფარგლებში ტარდება. საიუბილეო, რიგით მე-10 ფესტივალში მსოფლიოში ცნობილი შემსრულებლები მონაწილეობენ. კონცერტები 10 დღის განმავლობაში, ყოველ საღამოს, ბათუმის ჩოგბურთის კლუბსა და ქალაქის სხვადასხვა ლოკაციაზე ჩატარდება.

2016 წლის ჯაზ-ფესტივალის მონაწილე მუსიკოსები არიან:

  • QUINCY JONES &
  • THE GLOBAL GUMBO ALL STARS;
  • AMIE CULLUM;
  • MACY GREY;
  • THE PRODIGY;
  • Ms. Lauryn Hill;
  • MILES ELECTRIC BAND;
  • NIK WEST;
  • CHRIS BROWN;

ფესტივალის ფარგლებში, კლუბში Take Five შედგება MACY GRAY DJ SET; გაიმართება NIK WEST-ის, DJ LOGIC & Friends-ის და ასევე, ქართველი მუსიკოსების კონცერტები.