საქართველო ხალხისთვის პრესსამსახურის ინფორმაციით, თავისუფალი სასამართლო ხალხს კამპანიის ფარგლებში, პაატა ბურჭულაძის მოძრაობამ ხელმოწერების შეგროვება დაიწყო.

პარტია ხელმოწერებს სასამართლო სისტემის რეფორმირებისთვის მომზადებული საკანონმდებლო ინიციატივის მხარდასაჭერად.

საკანონმდებლო ინიციატივა ითვალისწინებს იუსტიციის უმაღლესი საბჭოს მოქმედი შემადგენლობის დათხოვნას და საბჭოს ახალი შემადგენლობის არჩევას, ასევე იცვლება მოსამართლეთა დისციპლინური პასუხისმგებლობის საფუძვლები და პროცედურა. კამპანია თავისუფალი სასამართლო ხალხს ფარგლებში ინიციატივის მხარდასაჭერი ხელმოწერების შეგროვება მთელი ქვეყნის მასშტაბით გაგრძელდება.

"ჩვენ ვიწყებთ კამპანიას თავისუფალი სასამართლო ხალხს, მთელი საქართველოს მასშტაბით. მისი მიზანია შეგროვდეს 30 000 ხელმოწერა იმისათვის, რომ ერთხელ და სამუდამოდ წერტილი დაესვას იმ უკანონობას რომელსაც ადგილი აქვს სასამართლო ხელისუფლებაში" - აცხადებს დავით ჯანდიერი, პარტიის თავმჯდომარის მრჩეველი სამართლებრივ საკითხებში.

ჯანდიერის თქმით, "ამ სასამართლოს პირობებში" არჩევნების ჩატარებას აზრი არ აქვს.

პარტიის წარმომადგენელმა, უკვე აღნიშნა, რომ პარლამენტმა უკვე დაარეგისტრირა საინიციატივო ჯგუფი:

"კანონპროექტი მიზნად ისახავს რადიკალური ცვლილებების გატარებას იუსტიციის უმაღლეს საბჭოში და საერთოდ სასამართლოებში და ერთ-ერთი მათ შორის არის ის რომ იუსტიციის უმაღლეს საბჭოს ამჟამინდელი შემადგენლობა უნდა იქნეს დათხოვნილი და ახალი პრინციპების საფუძველზე უნდა მოხდეს ახალი შემადგენლობის არჩევა" - აცხადებს ჯანდიერი.