საგანგებო სიტუაციების მართვის სამსახური ტყის ხანძრების ჩაქრობისთვის გამოსაყენებლად 19 ცალ ახალ სახანძრო მანქანას ყიდულობს. მანქანების შესაძენად ტენდერი იყო გამოცხადებული, რომელიც 13 აპრილს დასრულდა.

ტენდერში მხოლოდ ერთი კომპანია შპს თეგეტა თრაქ ენდ ბას მონაწილებდა. მან საგანგებო სიტუაციების მართვის სააგენტოს მანქანების 7 467 000 ლარად, 776 069 ლარით იაფად შესთავაზა.

2017 წლის ზაფხულში საქართველოს ტყეებში ათეულობით ხანძარი გაჩნდა, მათ შორის ერთ-ერთი ყველაზე მასშტაბური წაღვერის ტყე იყო. გასულ წელს, მეგობარი ქვეყნების დახმარებით, საქართველოს შესაბამისი უწყებები ხანძარს რამდენიმე კვირის განმავლობაში აქრობდნენ.

გაიგეთ მეტი ბორჯომის ტყის ხანძრის შესახებ.