ბოლო პერიოდში ზაზა ფაჩულიამ ძირითადი შემადგელობიდან სათადარიგოთა სკამზე გადაინაცვლა და თავისი ადგილი ჯავეილ მაკგის დაუთმო. პლეიოფის ორ შეხვედრაში მაკგი საშუალოდ 12.5 ქულასა და 1.5 ბლოკს აგროვებს.

ამის ფონზე, ქართველ ცენტრს პლეიოფის არცერთ მატჩში არ მიუღია მონაწილეობა.

"ყველაზე მნიშვნელოვანი ისაა, თუ რას აკეთებს გუნდი. მაკგი კარგად თამაშობს. ცხადია, თამაში მეც მინდა, მაგრამ ახლა იმ მდგომარეობაში ვართ, რომ შეგვიძლია, ჩემპიონობა ორჯერ ვიზეიმოთ".

"თუ გავიმარჯვებთ, დედამიწის ზურგზე ყველაზე ბედნიერი ადამიანი ვიქნები. ახლა მხოლოდ ეს მადარდებს. ეს გუნდი ეგოთი არ შექმნილა. ასეთ დროს (პლეიოფში), შენი პირადი ინტერესები გვერდით უნდა გადადო და კონცენტრაცია გუნდისადმი დახმარებაზე მოახდინო", - განაცხადა ზაზა ფაჩულიამ.