გაეროს უშიშროების საბჭომ რუსეთის რეზოლუცია, სირიაში სარაკეტო იერიშის დაგმობისა და არაბული ქვეყნის მიმართ აგრესიის შეწყვეტის შესახებ, არ მიიღო.

უშიშროების საბჭოს საგანგებო სხდომის მოწვევის ინიციატორი რუსეთი იყო. რეზოლუციას მხარი სამმა ქვეყანამ, რუსეთმა, ჩინეთმა და ბოლივიამ დაუჭირა, რვა წევრი ქვეყანა წინააღმდეგ წავიდა, ხოლო ოთხმა თავი შეიკავა.

აშშ-ს, ბრიტანეთისა და საფრანგეთის ავიაციამ სირიის სამთავრობო ბაზები დაბომბა. მთავარი სამიზნე დამასკოში არსებული სამეცნიერო-კვლევითი ცენტრი იყო. ტრამპის განცხადებით, "მისია შესრულებულია"