თამაზ ელიზბარაშვილი ძაღლების თავშესაფარს აღარ დახურავს. ამის შესახებ მან ტოქშოუ რეაქციაში განაცხადა.

მისი თქმით, იქამდე სანამ შემოსავალი ექნება თავშესაფრის დახურვის გადაწყვეტილებას არ მიიღებს.

"ჩემს ქვეყანაში ქუჩაში ძაღლი არ უნდა იყოს. ეს პრობლემა ცივილური გზით უნდა გადაწყდეს და მეც სწორედ ამას ვაკეთებ. მე თავშესაფარს არ დავხურავ, სანამ მაქვს საოჯახი ბიზნესი და შემოსავალი. თუ არ მქონდა შემოსავალი საზოგადოებას დახმარებას ვთხოვ", - განაცხადა თამაზ ელიზბარაშვილმა.

შინაგან საქმეთა სამინისტრომ თამაზ ელიზბარაშვილთან დაკავშირებით გამოძიება ძალადობის მუხლით დაიწყო. ელიზბარაშვილის თქმით, ის გამოძიებასთან ითანამშრომლებს, ჯარიმის გადახდას არ აპირებს და მზადაა ციხეში ჩაჯდეს.

ფეისბუქში გავრცელდა ვიდეო, რომელზეც ჩანს, რომ თამაზ ელიზბარაშვილი თანამშრომელს თავში ურტყამს და აგინებს.

როგორც On.ge-ს თამაზ ელიზბარაშვილმა განუცხადა, მისი გაღიზიანება თანამშრომლის ნასვამ მდგომარეობაში ყოფნამ გამოიწვია. ამის შემდეგ თამაზ ელიზბარაშვილმა ძაღლების თავშესაფარის დახურვის გადაწყვეტილება მიიღო.