თბილისში, ზაფხულის ცხელ დღეებში, წყალმომარაგების გარეშე უამრავი ადამიანი დარჩა. ამის შესახებ ენერგოომბუდსმენის 2017 წლის ანგარიშშია ნათქვამი.

ომბუდსმენის ინფორმაციით, განსაკუთრებით სავალალო მდგომარეობა დაფიქსირდა ვაზისუბნის დასახლებაში, სადაც წყალმომმარაგებელი კომპანიის მხრიდან მომსახურების შეწყვეტას სისტემატური ხასიათი მიეცა.

"მწვავედ იდგა საკითხი გლდანსა და მუხიანშიც. ერთი და იგივე მისამართიდან დაფიქსირდა მრავალი შეტყობინება", - აღნიშნულია ანგარიშში.

ენერგოომბუდსმენმა რეკომენდაციებით მიმართა შპს ჯორჯიან უოთერ ენდ ფაუერს.

"აღსანიშნავია, რომ ზაფხულშივე კომპანიამ დაიწყო მასობრივი სარეაბილიტაციო სამუშაოები, თუმცა ამ მიზნითაც წყალმომარაგების შეზღუდვის დრო შესაბამის უბნებზე იყო არაგონივრული", - ნათქვამია ანგარიშში.