ფეისბუქის დამფუძნებელი და ხელმძღანელი მარკ ცუკერბერგი აშშ-ის სენატის იურიდიული და ვაჭრობის კომიტეტების გაერთიანებულ სხომაზე პირველად დაკითხეს.

თითქმის ხუთსაათიანი საუბარი ძირითადად Cambridge Analytica-ს სკანდალს შეეხებოდა. ასევე, სენატორებმა კითხვები დასვეს საგარეო პოლიტიკური კამპანიების მიმართ სოციალური ქსელის დაცულობასა და აშშ-ის არჩევნებში ჩარევაზე.

როგორც მარკ ცუკერბერგმა განაცხადა, ის მზადაა სენატთან და საგამოძიებო ორგანოებთან ითანამშრომლოს.

"შეიარაღებული რბოლა" რუსეთთან

ფეისბუქის თანამშრომლები "შეიარაღებულ რბოლას" აწარმოებენ რუსეთის მიერ დასპონსორებული ჯგუფების წინააღმდეგ, რომლებიც საზოგადოებრივ აზრზე გავლენისთვის სოციალური ქსელის ექსლუატაციას ცდილობენ. ამის შესახებ ცუკერბერგმა 10 აპრილს 44 სენატორის წინაშე განაცხადა.

მისი თქმით, ბოლოს, რაც ფეისბუქმა გააკეთა იყო ხელოვნური ინტელექტის დანერგვა, რომელსაც შეუძლია ამოიცნოს ყალბი ანგარიშები, რომლებიც პოლიტიკური განწყობებზე გავლენის მცდელობაში არიან შემჩნეულნი.

"ასე რომ, ეს შეიარაღების რბოლაა. ისინი უკეთ მუშაობას ისწავლიან, იგივე უნდა გავაკეთოთ ჩვენც", - განაცხადა ცუკერბერგმა.

მისი თქმით, წლის ბოლოსთვის კომპანია უსაფრთოების განყოფილებაში დამატებით 20 ათას თანამშრომელს აიყვანს.

სპეცპროკურორ მიულერთან თანამშრომლობაზე

ფეისბუქის გენერალურმა დირექტორმა დაადასტურა, რომ კომპანია თანამშრომლობს სპეციალურ პროკურორთან, რობერტ მიულერთან, რომელიც 2016 წლის საპრეზიდენტო არჩევნებში რუსეთის ჩარევას იძიებს.

ცუკერბერგის თქმით, სპეცპროკურორთან და მის გუნდთან პირადად მას საუბარი არ ჰქონია, თუმცა კომპანიის სხვა თანამშრომლები უკვე დაკითხეს.

თავისი თანამშრომლების დაკითხვის დეტალებზე მას არ უსაუბრია. ცუკერბერის განმარტებით, კომპანიის თანამშრომლობა სპეცპროკურორთან კონფიდენციალურია და ღია სხდომაზე არ სურს ისეთი რამის თქმა, რაც კონფიდენციალურ ინფორმაციას წარმოადგენს.

არჩევნებში ჩარევაზე

დემოკრატმა სენატორმა, დაიან ფაინშტაინმა, ცუკერბერგს ბევრი კითხვა სოციალური ქსელების გამოყენებით აშშ-ის არჩევნებში ჩარევის თავიდან აცილებაზე დაუსვა. კომპანიის ხელმძღვანელმა აღიარა, რომ ე.წ. ტროლების ფაბრიკის მხრიდან წამოსული საფრთხე საკმაოდ გვიან აღმოაჩინეს.

"ჩვენ ველოდით, რომ ისინი გამოიყენებდნენ ჰაკერული თავდასხმების უფრო ტრადიციულ მეთოდებს, რომლებიც ჩვენ აღმოვაჩინეთ და რომელთა შესახებაც კომპანიები გავართხილეთ. მაგრამ გვიან აღმოვაჩინეთ ახალი საინფორმაციო ოპერაციები", - განაცხადა ცუკერბერგმა.

მან დაამატა, რომ არჩევნების პერიოდში არამხოლოდ აშშ-ში, არამედ მთელ მსოფლიოში ყალბი ანგარიშების აღმოსაჩენად ახალ ინსტრუმენტებს აამოქმედებენ.

Cambridge Analytica-ს სკანდალზე

ფეისბუქის მონაცემების გაჟონვაზე ცუკერბერგმა განაცხადა, რომ ეს მისი ბრალი იყო და ამისთვის ბოდიში მოიხადა:

"დრო დაგვჭირდება იმისათვის, რომ ცვლილებები შევიტანოთ, რათა ყველაფერმა სწორად იმუშაოს".

მისი თქმით, კომპანია ათი ათასობით აპლიკაციას შეამოწმებს, რათა დაადგინოს, ხომ არ მიიღეს მათ მომხმარებლების პირადი მონაცემები იგივე გზით, როგორც Cambridge Analytica-მ.

ცუკერბერგმა ვერ უპასუხა კითხვაზე, ეკონტაქტებოდნენ თუ არა ფეისბუქის თანამშრომლები Cambridge Analytica-ს წარმომადგენლებს:

"ჩვენ მოვითხოვეთ, რომ როგორც აპლიკაციის შემქმნელებს, ისე Cambridge Analytica-ს წაეშალათ და შეეწყვიტათ პირადი მონაცემების. მათ გვითხრეს, რომ ასეც მოიქცნენ. უკან რომ ვიხედები, მათთვის დაჯერება შეცდომა იყო".