ფეისბუქმა ინტერნეტ კვლევების სააგენტოსთან დაკავშირებული 270 გვერდი და ანგარიში წაშალა. როგორც მარკ ცუკერბერგმა განაცხადა, გვერდები და ანგარიშები მიმართული იყო რუსულენოვან აუდიტორიაზე როგორც რუსეთში, ისე მეზობელ ქვეყნებში.

ფეისბუქის ინფორმაციით, ზოგიერთი გვერდი საინფორმაციო სააგენტოებს ეკუთვნოდა, თუმცა ე.წ. ტროლების ფაბრიკის მიერ იმართებოდა. კერძოდ, ერთ-ერთ დაბლოკილ სააგენტოს ფეისბუქზე მილიონამდე გამომწერი, ხოლო ინსტაგრამზე 500 ათასი გამომწერი ჰყავდა.

ასევე, ცუკერბერგმა განაცხადა, რომ უახლოეს პერიოდში გამოუშვებს აპლიკაციას, რომელიც მომხმარებელს შეამოწმებინებს არის თუ არა ე.წ. ტროლების ფანრიკის გვერდების გამომწერი.

"იმ ზომების უმეტესობა, რომლებიც ადრე ინტერნეტ კვლეების სააგენტოს წინააღმდეგ მივიღეთ, სხვა ქვეყნების არჩევნებში ჩარევის საწინააღმდეგოდ იყო მიმართული. ახლა ჩვენ ვბლოკავთ მათ გვერდებს, რომლებიც რუსებისკენ არის მიმართული. ეს რუსული სააგენტო ტყუილის გამოყენებით აშშ-ის, ევროპისა და რუსეთის მოქალაქეების მანიპულირებას ცდილობდა. ჩვენ არ გვსურს მისი ნახვა ფეისბუქზე მსოფლიოს არც ერთ კუთხეში", - განცადა ცუკერბერგმა.

ე.წ. ტროლების ფაბრიკამ ფეისბუქზე რეკლამის საყიდლად ბოლო ორი წლის განმავლობაში 100 ათასი დოლარი დახარჯა. მათი პოსტები სოციალური ქსელის 126 მილიონმა მომხმარებელმა ნახა.

2018 წლის თებერვალში კოლუმბიის ფედერალურმა სასამართლომ რუსული კომპანია ინტერნეტ კვლევების სააგენტოს, ე.წ. ტროლების ფაბრიკის 13 თანამშრომელი, 2016 წელს აშშ-ის საპრეზიდენტო არჩევნებში ჩარევაში დაადანაშაულა.

გაიგეთ მეტი: