რუსეთის საგამოძიებო კომიტეტის ხელმძღვანელმა, ალექსანდრ ბასტრიკინმა, საგამოძიებო კომიტეტს ქართველი მუსიკოსის, ერეკლე გეწაძის პერფორმანსის გამოძიება დაავალა.

ამის შესახებ ინფორმაცია უწყებამ Telegram-არხზე გაავრცელა.

"რუსეთის საგამოძიებო კომიტეტის ხელმძღვანელმა რუსეთის ფედერაციის სახელმწიფო დროშის შეურაცხყოფის ფაქტზე გამოძიების დაწყების ბრძანება გასცა.

მედიაში გავრცელდა ინფორმაცია, რომ საქართველოს რესპუბლიკაში სიმღერის ფესტივალის დროს ერთ-ერთმა შემსრულებელმა რუსეთის ფედერაციის სახელმწიფო დროშა შეურაცხყო.

რუსეთის ფედერაციის საგამოძიებო კომიტეტის თავმჯდომარემ დაავალა რუსეთის ფედერაციის საგამოძიებო კომიტეტის მთავარი საგამოძიებო დეპარტამენტის გამომძიებლებს, აღძრან სისხლის სამართლის საქმე ამ ფაქტთან დაკავშირებით, რათა დამნაშავეები კანონით დადგენილი წესით დაისაჯონ", — ნათქვამია განცხადებაში.