განახლება: რამდენიმე საათით წაშლის შემდეგ, დესპასიტო YouTube-ზე დაბრუნდა

ჰაკერების თავდასხმის შემდეგ, პუერტორიკოელი მომღერლის, ლუის ფონსის ვიდეო დესპასიტო იუთუბიდან წაშლილია. კლიპმა რამდენიმე დღის წინ მოხსნა რეკორდი და იუთუბის ისტორიაში პირველი ვიდეო გახდა, რომელმაც 5 მილიარდ ნახვას გადააჭარბა.

თავდაპირველად ჰაკერებმა ვიდეოს მხოლოდ სათაური შეუცვალეს.

ვიდეოს მოძებნა გუგლში ჯერაც შესაძლებელია, თუმცა მისი მთავარი სურათი შეცვლილია და მას ნიღბიანი და ავტომატებიანი კაცების ფოტო ადევს.

ბმულზე გადასვლის შემდეგ კი, იუთუბი გვატყობინებს, რომ ვიდეო წაშლილია.

როგორც Independent წერს, ჰაკერების თავდასხმა შაკირას, დრეიკის, ტეილორ სვიფტისა და სელენა გომეზის იუთუბ არხებსაც შეეხო. ჰაკერები საკუთარ თავებს Prosox და Kuroi'sh-ს უწოდებენ და ვიდეოების სათაურებზე Free Palestine-ს [თავისუფლება პალესტინას] აწერენ.

დესპასიტო 2017 წლის იანვარში გამოვიდა და რამდენიმე რეკორდი მოხსნა. სიმღერის სახელი ინგლისურად "ნელა"-ს ნიშნავს.