ამ წუთებში ტყიბულში, საკრებულოს შენობასთან საერთო სახალხო გლოვა დაიწყო. ქალაქის ცენტრში მეშახტეები, დაღუპულთა ოჯახის წევრები და სოლიდარობის ნიშნად ტყიბულში ჩასული მოქალაქეები არიან შეკრებილი.

როგორც აქციის ერთ-ერთი მონაწილემ On.ge-ს უთხრა, იქ შეკრებილებს ერთი საერთო ტკივილი აერთიანებთ - დაღუპულ მეშახტეებს გლოვობენ.

"ტყიბულში ყველა მეშახტეა. ქალაქის 90 პროცენტი შახტში მუშაობს, სხვა დასაქმების შანსი ჩვენ არ გვაქვს. აქ თუ ვინმე კვდება ყველას ტკივილია, ამიტომ ვდგავარ აქ", - აღნიშნა აქციის ერთ-ერთმა მონაწილემ.

"უსაფრთხოების ზომები როგორც არ უნდა დაიცვა, არასდროს იცი, როდის ჩამოგეშლება მიწა თავზე. დასაქმებისთვის ტყიბულში მხოლოდ შახტი გვაქვს, სადაც ჩვენი ძმები იღუპებიან", - ეს სიტყვები On.ge-ს ერთ-ერთმა მეშახტემ უთხრა, რომელსაც ვინაობის გამხელა არ სურს.

On.ge "გლოვის ღამეს" აშუქებს, შეგიძლიათ ადევნოთ თვალი აქციას პირდაპირ ეთერში:

2018 წლის 5 აპრილს, ტყიბულში, შახტის ჩამოშლას 6 ადამიანის სიცოხლე ემსხვერპლა, 3 კი დაშავდა. დაშავებულთაგან ერთ-ერთი ამ დრომდე რეანიმაციულ განყოფილებაში რჩება. ბოლო 15 თვის განმავლობაში ტყიბულის შახტებში 11 ადამიანი დაიღუპა.