თბილისის საქალაქო სასამართლომ ტყიბულის შახტში დასაქმებული მუშების სოლიდარობის აქციაზე დაკავებულების საქმის განხილვა 20 აპრილამდე გადადო. სასამართლომ დაკავებული 5-ვე პირი სასამართლო დარბაზიდან გაათავისუფლა.

როგორც დაკავებულის ადვოკატმა სხდომის შემდეგ განაცხადა, შინაგან საქმეთა სამინისტრომ მტკიცებულებები დღეს, 7 აპრილს, დილით წარადგინა, რისი გაცნობის საშუალებაც არ ჰქონდათ. მათ სხდომის გადადება სწორედ ამ მოტივით ითხოვეს.

6 აპრილს დაკავებულებს ადმინისტრაციული კოდექსის ორი მუხლის, 166-ე (წვრილმანი ხულიგნობა) და 173-ე (პოლიციელისთვის წინააღმდეგობის გაწევა) მუხლების დარღვევას ედევაბიან.