ნეტფლიქსის პოპულარული სერიალის, Stranger Things-ის შემქმნელ ძმებ დაფერებს, რეჟისორი ჩარლი კესლერი ლოს-ანჯელესის სასამართლოში უჩივის. როგორც კესლერი ამბობს დაფერებმა მისი მოკლემეტრაჟიანი ფილმის, Montauk, იდეა მოიპარეს და სერიალად აქციეს.

კესლერი ყვება, რომ ჯერ კიდევ 2014 წელს ტრიბეკას კინოფესტივალზე ის ძმებ დაფერებს შეხვდა და თავისი იდეის შესახებ უამბო.

საინტერესოა ისიც, რომ სანამ სერიალი გამოვიდოდა, მისი სამუშაო სახელი სწორედ Montauk იყო.

ნეტფლიქსსა და ძმებ დაფერებს ამ თემასთან დაკავშირებით ოფიციალური კომენტარი ჯერ არ გაუკეთებიათ.

ამასობაში კი უცნაური ამბების ჯგუფი, წარმატებული მეორე სეზონის შემდეგ, მესამე სეზონის გადასაღებად ზაფხულში შეიკრიბება. სიუჟეტის 1985 წლის ზაფხულში განვითარდება, წინა სეზონის ისტორიიდან 1 წლის შემდეგ.

სერიალის დასაწყისში კვლავ ორი წყვილი იქნება - მაიკი და ილევენი და ლუკასი და მაქსი, თუმცა მსახიობებს, მილი ბობი ბრაუნს, ფინ ვოლფჰარდს, კალებ მაკლაფლინსა და სეიდი სინკს სცენარი ჯერ არ გადასცემიათ.

სიუჯეტში მნიშვნელოვანი როლი ექნება სტივსაც, რომელიც კვლავ ისეთი მზრუნველი იქნება, როგორც მეორე სეზონში.

მესამე სეზონში, მსახიობებს ჰონორარი საგრძნობლად გაუზარდეს.