ფინანსურმა პოლიციამ სამსახურებრივი გულგრილობის საქმეზე სამი საჯარო მოხელე პასუხისგებაში მისცა.

უწყების ინფორმაციით, ახალციხის მუნიციპალიტეტის მერიის თანამშრომლებმა არ გაუწიეს სათანადო კონტროლი და ინსპექტირება ინფრასტრუქტურულ სამუშაოებს. უწყებაში ამბობენ, რომ შედეგად, კონტრაქტორმა კომპანიამ ხელოვნურად გაზარდა შესრულებული სამუშაოების მოცულობა, გამოიყენა უფრო დაბალი ხარისხის მასალა და შედეგად, სახელმწიფო ბიუჯეტის თანხებს მართლსაწინააღმდეგოდ დაეუფლენ.

საქმეზე გამოძიება საქართველოს სისხლის სამართლის კოდექსის 342-ე მუხლის პირველი ნაწილით მიმდინარეობს, რაც სასჯელის სახით ითვალისწინებს თავისუფლების აღკვეთას 3 წლამდე ვადით.