გარემოს დაცვის მინისტრი, გიგლა აგულაშვილი თავის Facebook გვერდზე რესპუბლიკული პარტიის დატოვების მიზეზებზე საუბრობს და განმარტავს, რომ გადაწყვეტილება პრემიერმინისტრ გიორგი კვირიკაშვილთან კონსულტაციების შემდეგ მიიღო:

"საქართველოს პრემიერმინისტრთან კონსულტაციების შემდეგ მივიღე გადაწყვეტილება დავტოვო რესპუბლიკური პარტია და დავრჩე გიორგი კვირიკაშვილის სამთავრობო გუნდში. ეს ნაბიჯი არ იყო უმტკივნეულო, რადგან წლები მაკავშირებს რესპუბლიკურ პარტიასთან, მაგრამ გადაწყვეტილების მიღებისას მამოძრავებდა მოქალაქეობრივი პასუხისმგებლობა. კარგად ვარ ინფორმირებული პრემიერმინისტრისა და მისი გუნდის სამომავლო გეგმებზე, მჯერა ჩემი არჩევანის სისწორისა, რადგან იგი უკავშირდება საქართველოს მდგრად, სტაბილურ განვითარებას, თითოეული მოქალაქის კეთილდღეობას. ბუნებრივია, ჩემთვის დიდი პატივია, სამთავრობო გუნდში ქართულ ოცნებასთან ერთად გავაგრძელო საქმიანობა და წვლილი შევიტანო ქვეყნის აღმშენებლობის საქმეში".

გიგლა აგულაშვილმა რესპუბლიკელები დღეს დატოვა. ამის შესახებ დღეს პარტიის მიერ ჩატარებულ ბრიფინგზე გახდა ცნობილი. თავდაცვის მინისტრმა, თინათინ ხიდაშელმა და შერიგების საკითხებში სახელმწიფო მინისტრმა, პაატა ზაქარეიშვილმა კი მინისტრის თანამდებობებს დატოვეს.