სამეგრელოს ერთ-ერთი სკოლის მოსწავლე 70 წლის ფიზკულტურის მასწავლებელს სექსუალურ ძალადობაში ადანაშაულებს. რუსთავი 2-თან საუბრისას სკოლის მოსწავლე ამბობს, რომ მასწავლებელი სექსუალურ კავშირს ფულის სანაცვლოდაც სთავაზობდა.

"კისერში მომიჭირა და დამიწყო კოცნა, ვეღარც ვიკივლე", - უყვება სკოლის მოსწავლე რუსთავი 2-ს.

არხის ინფორმაციით, მასწავლებელი სკოლაში აღარ მუშაობს.

შინაგან საქმეთა სამინისტრო საქმეს სისხლის სამართლის კოდექსის 141-ე მუხლით იძიებს. ამ მუხლით, 16 წელს მიუღწეველ პირთან ძალადობის გარეშე გარყვნილი ქმედება ისჯება თავისუფლების აღკვეთით ვადით ხუთიდან შვიდ წლამდე.