Incredibles 2-თან ერთად, 15 ივნისს, ანიმაციური კინოსტუდია Pixar ახალ მოკლემეტრაჟიან მულტფილმს გამოუშვებს.

7 წუთიან ანიმაციას და მის მთავარ პერსონაჟს ბაო ჰქვია. ისტორიის ეპიცენტრში ჩინელ-კანადელი ქალია, რომელსაც დეპრესია აქვს და ცდილობს რამენაირად ცხოვრების აზრი დაიბრუნოს. სწორედ ამ დროს თავისივე ხელით გაკეთებული ცომის ერთ-ერთი გუნდა გაცოცხლდება და მის საუკეთესო მეგობრად იქცევა.

აღსანისნავია, რომ ბაო პიქსარის ისტორიაში პირველი მოკლემეტრაჟიანი ანიმაციაა, რომლის რეჟისორიც ქალია.

დომი ში, რომელმაც ეს პერსონაჟი შექმნა, ამბობს, რომ მისი ბავშვობის მოგონებები გააცოცხლა, როდესაც ჩინეთიდან ახლადჩამოსული დეპრესიაში იყო და ცომის გუნდებს ეთამაშებოდა.