2017 წლის 28 მარტიდან 2018 წლის 18 მარტის ჩათვლით, შენგენის სივრცეში შესვლაზე უარი 954 საქართველოს მოქალაქეს უთხრეს, მათგან ყველაზე მეტი იტალიაში, გერმანიასა და კვიპროსში არ შეუშვეს. აღნიშნული ინფორმაცია On.ge-ს შინაგან საქმეთა სამინისტრომ მიაწოდა.

უწყების ინფორმაციით, აღნიშნულ პერიოდში, საჰაერო გზით საქართველოს მოქალაქეებმა 253 562-ჯერ გადაკვეთეს შენგენის ზონა.

სტატისტიკური მონაცემები, თუ რამდენი ადამიანი არ შეუშვეს საზღვარზე ქვეყნების მიხედვით:

  • იტალია - 181;
  • გერმანია - 163;
  • კვიპროსი - 155;
  • საბერძნეთი - 115;
  • პოლონეთი - 113;
  • უნგრეთი - 63;
  • ლიტვა - 53;
  • საფრანგეთი - 30;
  • ბელგია - 20;
  • ნიდერლანდები - 14;
  • შვედეთი - 13;
  • ესტონეთი - 13;
  • ესპანეთი - 6;
  • ფინეთი - 5;
  • დანია - 3;
  • შვეიცარია - 3;
  • ლატვია - 3;
  • რუმინეთი - 1.

საქართველოს მოქალაქეებისთვის შენგენის ზონის ქვეყნებში უვიზო მიმოსვლა 2017 წლის 28 მარტს ამოქმედდა. ქართული ბიომეტრიული პასპორტის მფლობელებს შეუძლიათ ყოველ 180 დღეში 90 დღე მიყოლებით ან გადანაწილებით უვიზოდ ესტუმრონ შენგენის ზონის ქვეყნებს.

რა უნდა ვიცოდეთ ევროკავშირში უვიზოდ მოგზაურობისთვის?

აპლიკაცია, რომელიც საშუალებას მოგცემთ ევროპაში გატარებული და დარჩენილი დღეები გამოთვალოთ