ოდესმე, სახლის დატოვების შემდეგ, გქონიათ შემაწუხებელი შეგრძნება, რომ იქ რაღაც დაგრჩათ? ალბათ ერთხელ მაინც.

თუმცა, არ ვიცით, რას ფიქრობდნენ სენტ-ლუისის მაცხოვრებლები, რომლებმაც სახლის გაყიდვის შემდეგ, სარდაფში, ნაგავთან ერთად, ძაღლი დაბმული დატოვეს.

პიტბული სახლის ახალმა მფლობელმა აღმოაჩინა. მისი თქმით, უცნობია, რამდენი ხანი იყო სასიკვდილოდ გამეტებული ძაღლი მარტო დატოვებული.

მოხალისეები მაშინვე სახლისკენ გაიქცნენ, რომ საბრალო ცუგა გადაერჩინათ.

"როდესაც სარდაფის კარები გავაღეთ და ბატარეით ჩავანათეთ, ის გვიყურებდა და კუდს აქიცინებდა. სიხარულისგან ლამის თავი დაიხრჩო. როდესაც გავათავისუფლეთ, ელვისისწრაფით გაიქცა გარეთ და ხტუნვა და ჩვენზე ჩახუტება დაიწყო" - ყვება ერთ-ერთი მათგანი.

ძაღლი ბნელ სარდაფში, ძველ ნივთებთან ერთად იყო დატოვებული, საჭმლისა და წყლის გარეშე. მას არც თავის გათავისუფლება შეეძლო.

უსაყვარლეს ცუგას ჯამფინ ბინი [მოხტუნავე მარცვალი] დაარქვეს. როგორც ძაღლის გადამრჩენლები ამბობენ, ის ძალიან ბედნიერია, მიუხედავად იმისა, როგორ გაიმეტეს, და ყველას სიყვარულით ხვდება.