ზვიად დევდარიანის მიმართ ქალების სექსუალურ შევიწროებაში გამოთქმულ ბრალდებებში შინაგან საქმეთა სამინისტრომ დანაშაული ნიშნები დაინახა და გამოძიებას დაიწყებს. ამის შესახებ პირველი არხის ეთერში შს მინისტრის მოადგილემ, ნათია მეზვრიშვილმა განაცხადა.

მეზვრიშვილის თქმით, შსს დაინტერესდა და შეისწავლა ინტერნეტში და ონლაინმედიით გავრცელებული ინფორმაცია:

"როდესაც მსხვერპლები, მითუმეტეს ქალბატონები, სექსუალური შევიწროების ფაქტებზე საუბრობენ თამამად, როგორც პასუხისმგებლიანი უწყება, შინაგან საქმეთა სამინისტრო თავს ვალდებულად თვლის, რომ ამ ფაქტთან დაკავშირებით გამოძიება დაიწყოს და ვნახოთ, გამოძიებით რა დადგინდება."

10-მდე ქალის სექსუალურ შევიწროებაში ზვიად დევდარიანი 17 მარტს დაადანაშაულეს. On.ge რამდენიმე დღის განმავლობაში ცდილობდა საგამოძიებო უწყებებისგან პასუხის მიღებას კითხვაზე, დაიწყო თუ არა დევდარიანის მიერ ქალების სექსუალურად შევიწროებაზე. საბოლოოდ, On.ge-მ პროკურატურისგან მიიღო პასუხი, სადაც განაცხადეს, რომ რეაგირება მხოლოდ მაშინ იქნება, "თუ ვინმე განცხადებას შემოიტანს, რომელიც კონკრეტულ დანაშაულზე მიუთითებს".

დევდარიანი, რომელიც საზოგადობრივი მაუწყებლისსამეურვეო საბჭოს წევრობის კანდიდატი იყო, ბრალდებებს უარყოფს. სახალხო დამცველი ნინო ლომჯარია ზვიად დევდარიანთან დაკავშირებით ქალების მონათხრობში სისხლის სამართლის დანაშაულის ნიშნებს ხედავს.