შინაგან საქმეთა სამინისტრო გიორგი ზურაბიშვილზე ნარკოპოლიტიკის კრიტიკის გამო მუქარას ეხმაურება. უწყების განცხადებით სამინისტრო მზადაა ყველა კანონდამრღვევი დაისაჯოს.

"შინაგან საქმეთა სამინისტროს გენერალური ინსპექცია მას უკვე დაუკავშირდა. გიორგი ზურაბიშვილმა მზადყოფნა გამოთქვა ითანამშრომლოს შინაგან საქმეთა სამინისტროსთან, თავის მხრივ სამინისტრო მზადაა, მიიღოს ყველა საჭრო ზომა", - უთხრეს On.ge-ს შსს-ში.

გიორგი ზურაბიშვილმა ფეისბუკზე მამუკა ბერძენიშვილის რვაწლიანი გაჩენი გააპსოტესტა. როგორც ზურაბიშვილმა დღეს, 22 მარტს, სასამართლოს გადაწყვეტილების და გაკრიტიკების მეორე დღეს ფეისბუქზე დაწერა, მას ნარკოპოლიტიკის კრიტიკის გამო ანონიმური ექაუნთებიდან ლანძაღავენ და ემუქრებიან.

რესპუბლიკური პარტიის წევრის, დავით ზურაბიშვილის განცხადებით, მის შვილზე, გიორგი ზურაბიშვილზე მუქარა ძალოვანი სტრუქტურების კამპანიაა. მან შინაგან საქმეთა მინისტრს და სახელმწიფო უსაფრთხოების სამსახურის უფროსს საქმის გამოძიების მოთხოვნით მიმართა.

"მსგავსი აგრესია და ლანძღვა-გინება პოლიციის სახელით არ არის პირველი შემთხვევა და პერიოდულად ხორციელდება ხოლმე სწორედ იმ ადამიანების მიმართ, ვინც მტკიცედ და მკვეთრად აკრიტიკებს არსებული ნარკოპოლიტიკის არაადამიანურ პრაქტიკას", - წერს დავით ზურაბიშვილი ფეისბუკზე და აღნიშნას, რომ ეს გარემოება ძალოვანი სტრქტურების ქმედებებზე აფიქრებინებს.