რუსეთის საგარეო საქმეთა მინისტრი სერგეი ლავროვი, სავარაუდოდ, პოსტს დატოვებს და ახალი მთავრობის შემადგენლობაში არ იქნება. ამის შესახებ ინფორმაციას RTVI საკუთარ წყაროებზე დაყრდნობით ავრცელებს.

რუსული მედიის ინფორმაციით, გადაღლილობის გამო ლავროვს რამდენიმე წელია სურს თანამდებობის დატოვება, თუმცა პუტინის თხოვნით საპრეზიდენტო არჩევნებამდე გააგრძელა მუშაობა.

გამოცემაში საუბრობენ ლავროვის შემცვლელების სავარაუდო კანდიდატურებზეც. მათი თქმით, შესაძლოა საგარეო საქმეთა მინისტრის პოსტი მისმა რომელიმე მოადგილემ ან პრეზიდენტის ადმინისტრაციის თანამშრომელმა დაიკავოს.

ლავროვი საგარეო საქმეთა მინისტრის პოსტს 2004 წლიდან იკავებს.