C.T. Park-ის ადვოკატებმა ნათია წკეპლაძემ და ალექსანდრე იოსელიანმა თბილისის მერიაში განცხადება შეიტანეს და თბილისის მერს კომპანიასთან ხელშეკრულების გაწყვეტის თარიღის სასამართლო დავის დასრულებამდე გადატანა მოსთხოვეს.

როგორც On.ge-ს C.T. Park-დან აცნობეს, კომპანიას ორი მიმდინარე დავა აქვს დედაქალაქის მთავრობის წინააღმდეგ.

"კომპანიამ ასევე მიიღო გადაწყვეტილება სარჩელით მივმართოთ სასამართლოს ხელშეკრულების შეწყვეტის აქტთან დაკავშირებით, ამიტომ მოვუწოდებთ მერიას გადავადდეს ხელშეკრულების შეწყვეტის თარიღი დავის დასრულებამდე", - განუცხადეს On.ge-ს კომპანიაში.

თბილისის მთავრობის გადაწყვეტილებით, C.T. Park - თან დადებული ხელშეკრულების გაწყვეტის თარიღად 10 აპრილი დადგინდა.

13 მარტს, თბილისის მერმა, კახა კალაძემ თქვა, რომ მერიამ მიიღო გადაწყვეტილება C.T. Park - თან შეწყვიტოს არსებული ხელშეკრულება.

თბილისის ტერიტორიაზე ავტომანქანების პარკირების საკითხს კომპანია, C.T. Park - თან 2007 წლიდან არეგულირებს. ის ერთადერთი კომპანიაა, რომელსაც დღეს დედაქალაქში პარკირების სისტემის მოწესრიგება და დახვეწა ეკისრება.