78 წლის კაცს, რომელმაც უმწეო და სცემა, სიცოცხლისთვის სახიფათო დაზიანებები მიაყენა, 8-წლიანი პატიმრობა მიუსაჯეს. ინფორმაციას ამის შესახებ თბილისის საქალაქო სასამართლო ავრცელებს.

საქმის მასალების თანახმად, 2017 წელს უსიამოვნო საუბრით განაწყენებულმა 78 წლის ბრალდებულმა უმწეო მდგომარეობაში მყოფ დას, ხის ჯოხისა და სახრახნისის გამოყენებით, სიცოცხლისათვის სახიფათო მძიმე ხარისხის დაზიანებები მიაყენა. მიყენებული მრავლობითი ტრავმების შედეგად, რამდენიმე დღეში დაზარალებული გარდაიცვალა.

თბილისის საქალაქო სასამართლომ, ბრალდებულს ასაკისა და ჯანმრთელობის მდგომარეობის გათვალისწინებით, სასჯელის სახედ და ზომად 8 წლით თავისუფლების აღკვეთა განუსაზღვრა.