ქართველ რეჟისორს რუსუდან გლურჯიძეს, ფილმისთვის სხვისი სახლი, კარლოვი ვარის საერთაშორისო კინოფესტივალის 51-ე დაჯილდოვების ცერემონიაზე, გრანპრი ბროლის გლობუსი გადაეცა.

სხვისი სახლი საუკეთესო ფილმად საკონკურსო პროგრამაში East of the West აღიარეს. დაჯილდოვების ცერემონია 9 ივლისს კარლოვი ვარში გაიმართა, რომელსაც ფილმის შემოქმედებითი ჯგუფი დაესწრო.

კინოცენტრის ინფორმაციით, ფესტივალის ძირითადი საკონკურსო პროგრამის ჟიურის ერთ-ერთი წევრი, წელს ცნობილი ქართველი რეჟისორი გიორგი ოვაშვილი იყო, რომელსაც 2014 წელს, ასევე აქვს მიღებული ბროლის გლობუსი ფილმისთვის სიმინდის კუნძული.

დაჯილდოვების ცერემონიაზე, საუკეთესო დოკუმენტური ფილმისთვის პრიზი აიღო ისრაელელმა რეჟისორმა, ალმა ჰარელმა ფილმისთვის LoveTrue.

საუკეთესო ფილმისთვის დაჯილდოვდა უნგრული კინო It's Not the Time of My Life, რომელიც რეჟისორმა საკუთარ სახლში გადაიღო, თავისი ოჯახის წევრებთან და მეგობრებთან ერთად.

კარლოვი ვარის ფესტივალი ცენტრალური და აღმოსავლეთ ევროპის წამყვანი კინოფესტივალია, რომელიც ჩეხეთის ქალაქ კარლოვი ვარში 1946 წლიდან იმართება.