საქართველოს სახალხო დამცველმა, ნინო ლომჯარიამ საზოგადოებრივი მაუწყებლის სამეურვეო საბჭოს წევრობის კანდიდატად ზვიად დევდარიანი დაასახელა.

დევდარიანი არასამთავრობო ორგანიზაცია სამოქალაქო განვითარების სააგენტოს (CIDA) ხელმძღვანელია. საზოგადოებრივი მაუწყებლის განვითარების მისი კონცეფცია იხილეთ აქ.

რამდენიმე თვეში სამეურვეო საბჭოში უფლებამოსილება ეწურებათ: აჭარის უმაღლესი საბჭოს მიერ დასახელებულ, გიორგი კოხრეიძესა და საპარლამენტო უმრავლესობის მიერ დასახელებულ გრიგოლ გოგელიასა და სახალხო დამცველის მიერ წარდგენილ მარინა მუსხელიშვილს. საბჭო საკუთარი სურვილით რამდენიმე თვის წინ დატოვა უმცირესობის მიერ დასახელებულმა სულხან სალაძემ. სწორედ მათ შესაცვლელადაა კონკურსი გამოცხადებული და კანდიდატებსაც იგივე სუბიექტები წარუდგენენ პარლამენტს.