დღეს საქართველოს მასშტაბით ძლიერი ქარი ქრის. გთავაზობთ რეკომენდაციებს, თუ როგორ უნდა მოვიქცეთ ძლიერი ქარის დროს შენობის შიგნით და მის გარეთ. რეკომენდაციებს საგანგებო სიტუაციების მართვის სამსახური ავრცელებს.

როგორ უნდა მოიქცეთ ძლიერი ქარის დროს შენობის გარეთ

  • იპოვეთ შენობა და შეაფარეთ თავი;
  • დაიცავით სხეულის მგრძნობიარე ნაწილები (სახე, კიდურები);
  • დარეკეთ 112-ში;
  • შეინარჩუნეთ სიმშვიდე და არ აჰყვეთ პანიკას;
  • დაელოდეთ სამაშველო რაზმს;

როგორ უნდა მოიქცეთ ძლიერი ქარის დროს შენობის შიგნით

  • მყარად დაამაგრეთ ყველა ის ნივთი, რომელიც შეიძლება ჩამოვარდეს ძლიერი ქარის შედეგად;
  • დახურეთ ფანჯრები, ჟალუზები, რათა დაიცვათ თავი დამტვრეული მინისგან;
  • მიიღეთ განახლებული ინფორმაცია ამინდის პროგნოზის ან/და ევაკუაციის გეგმის შესახებ;
  • იმ შემთხვევაში, თუ იმყოფებით ევაკუაციის ზონაში, ყურადღებით მოუსმინეთ ინსტრუქციებს ან დარეკეთ 112-ში.