რუსეთის სახელმწიფო დუმის ეთიკის კომისიამ განაცხადა, რომ სექსუალურ შევიწროებაში დადანაშაულებული დეპუტატის, ლეონიდ სლუცკის საქმეს აუცილებლად განიხილავს. სხდომის თარიღი კი 19 მარტის შემდეგ განისაზღვრება.

BBC-ის რუსული ბიუროს ცნობით, ზოგიერთმა ქალმა, რომელმაც ეთიკის კომისიას მიმართა, პროკურატურაშიც იჩივლა, თუმცა კონკრეტულად ვინ გააკეთა ეს უცნობია.

რამდენიმე დღის წინ BBC-მ გამოაქვეყნა გაშიფრული აუდიოჩანაწერი, რომელშიც საერთაშორისო ურთიერთობების კომიტეტის ხელმძღვანელი, ლეონიდ სლუცკი გამოცემის ჟურნალისტს, ფარიდე რუსტამოვას საყვარლობას სთავაზობს. ჟურნალისტის თქმით, დეპუტატის მხრიდან ფიზიკური შევიწროების მსხვერპლი გახდა.

თებერვალში სლუცკი სექსუალურ შევიწროებაში RTVI-ის რედაქტორის მოადგილემ, ეკატერინე კოტრიკაძემ და დოჟდის პროდიუსერმა, დარია ჟუკმა დაადანაშაულეს. თვითონ სლუცკიმ ყველა ბრალდება უარყო.

დუმის სპიკერმა ვიაჩესლავ ვოლოდინმა განაცხადა, რომ მსგავსი ქმედება შეიძლება დისკრიმინაციის მცდელობად ჩაითვალოს.

ჟურნალისტების ბრალდებებს ოჯახის, ქალებისა და ბავშვების საკითხებზე მომუშავე კომიტეტის თავმჯდომარემ თამარა პლეტნევამ:

"მინდა ვთქვა, რომ ამ გოგო-ჟურნალისტებმა უფრო წესიერად იარონ, ჩაიცვან და შიშველი ჭიპებით არ იარონ, ეს ხომ სახელმწიფო დაწესებულებაა".