ნეონაცისტური დაჯგუფების, ქართული მარშის სახალხო პატრული ქალაქში უკვე 10 დღეა მოძრაობს. როგორც ქართული მარშის ერთ-ერთი წევრი, სანდრო ბრეგაძე On.ge-ს ამ დროის განმავლობაში მათ მიერ გამოვლენილი დარღვევების შესახებ უყვება.

ბრეგაძის თქმით, ქალაქში მათი დაახლოებით 150 თანამოაზრე მორიგეობით, ყოველ პარასკევსა და შაბათს თბილისში გადაადგილდება.

"აღმაშენებლისა და რესპუბლიკის მოედანზე არის ტრეფიკინგი, ქართველი ბავშვების პროსტიტუციაში ჩართვა, არიან უამრავი არალეგალი მიგრანტები, აფრიკისა და აზიის ქვეყნებიდან", - უყვება ბრეგაძე On.ge-ს.

მისი თქმით, მათ საქართველოში კანონიერად მყოფი ლაზი მეგობრები ჰყავთ, რომელებიც უკანონო მიგრანტების შესახებ აწვდიან ინფორმაციას. ბრეგაძე აღნიშნავს, რომ ტელევიზიებს ბავშვებში პროსტიტუციის ჩართვის შესახებ ქართული მარმა აცნობა, მოგვიანებით კი სიუჟეტებიც მომზადდა.

კითხვაზე, რამდენად ჯდება "სახალხო პატრულის" მუშაობა კანონმდებლობის ფარგლებში, ბრეგაძე ასე პასუხობს:

"რაიმე დისკომფორტი იგრძენით ამ დღეების განმავლობაში? საქართველოს, ან სხვა ქვეყნის ნებიემიერი მოქალაქე მაჩვენთ, რომელმაც დისკომფორტი იგრძნო ქართული მარშის ახლაგაზრდების საზოგადოეოებრივ აქტიურ ქმედებასთან... შსს-ს მინდა ვკითხო - იგრძნო ჩვენგან რაიმე დისკომფორტი?"

როგორც ბრეგაძე ამბობს, "სახალხო პატრულის" ცნობა ქუჩებში ქართული მარშის სამკლაურებით, ან მაისურებითაა შესაძლებელი. მისი თქმით, ეს ადამიანები ანაზღაურებას არ იღებენ.

ნეონაცისტური დაჯგუფება ქართული მარში აცხადებდა, რომ ე.წ. სახალხო პატრულს ჩამოყალიბების მიზანი საქართველოში მყოფი უცხოელების "თავგასულობას" დაასრულება იყო.