გასული წლის ბოლოს ოსკარის მფლობელი მსახიობი ჯენიფერ ლოურენსი და რეჟისორი დარენ არანოვსკი ერთმანეთს დაშორდნენ.

როგორც Entertainment Tonight წერდა, წყვილს პრობლემები ფილმ Mother!-ის გადაღებების დროსაც ჰქონდა, ამაზე რამდენჯერმე თავად ჯენიფერმაც ისაუბრა და თქვა, რომ არასდროს აღარ მიიღებს ისეთ კინოსურათში მონაწილეობას, როგორც არანოვსკის ბოლო ფილმია, რადგან გადაღებების დროს გარდა იმისა, რომ ფიზიკურად დაშავდა, ფსიქოლოგიური ტრავმაც მიიღო.

შეყვარებულთან დაშორების შემდეგ ლორენსს, მისმა საუკეთესო მეგობარმა ემი შუმერმა "გამამხნევებელი" წერილი გაუგზავნა:

"ძალიან ვწუხვარ, გავიგე, რომ მარტოსული მოკვდები. სიყვარულით, ემი", - ეწერა შუმერის წერილში.

მართალია, ეს წერილი ძალიან ბოროტული ჩანს, მაგრამ როგორც ლოურენსი ამბობს ემისგან მიღებული ასეთი გზავნილი სულ სხვანაირად ჟღერს.

"ემი ყველაზე სასაცილო ადამიანია, რომელსაც ოდესმე შევხვედრილვარ", - ამბობს ჯენიფერი.

შუმერი და ლოურენსი წლებია საუკეთესო მეგობრები არიან. ოსკარის მფლობელი მსახიობი შუმერის მეჯვარეც კი არის.