Facebook-მა რამდენიმე თვის წინ განაცხადა, რომ საკუთარი სერიალების გადაღებას იწყებდა, რომლის თითო ეპიზოდშიც მინიმუმ $3 მილიონს ჩადებდა.

ახლახან კი ცნობილი გახდა, რომ ერთ-ერთი პირველი შოუ რომელიც სოციალური ქსელის მომხმარებლებისთვის იქნება ხელმისაწვდომი, გადაცემა - "You Kiddin' Me" იქნება, რომლის პროდიუსერი კიმ კარდაშიანი იქნება.

გარდა ამისა, რამდენიმე კვირის წინ Facebook-მა ელიზაბეტ ოლსენის მონაწილეობით სერიალი დააანონსა.

სერიალს სოციალური ქსელისთვის კიტ სტენკელნერი გადაიღებს. ახალი შოუს პირველ სეზონში ათი 30-წუთიანი ეპიზოდი იქნება.

"ძალიან საინტერესო ისტორიაა: ისეთი, როგორსაც წლების განმავლობაში ველოდი და ერთი სული მაქვს, თქვენც ნახოთ ეს ბნელი და ძალიან სასაცილო შოუ", - ამბობს ელიზაბეტ ოლსენი.

აღსანიშნავია, რომ ფეისბუქი გეგმავს, გადაიღოს ნორვეგიული სერიალის, Skam ინგლისურენოვანი ადაპტაცია.

ფეისბუქი აპირებს, ამაზონისა და ნეტფლიქსის მსგავსი პლატფორმა შექმნას ვებ-სერიალებისათვის. 10 და 30-წუთიანი სერიალების გარდა, სრულმეტრაჟიან სერიალებსაც უნდა ველოდოთ.