როგორც The Wall Street Journal წერს, ფეისბუქი სულ მალე საკუთარი სერიალების გადაღებას დაიწყებს, თითო ეპიზოდში კი მინიმუმ $3 მილიონს ჩადებს. რაც გამოცემის აზრით, სრულიად საკმარისი იქნება ხარისხიანი და მაღალსტანდარტიანი სერიალის წარმოებისთვის.

როგორც გამოცემას სოციალური ქსელის სათაო ოფისში განუცხადეს, ისინი სერიალის წარმოებასა და მსახიობებთან მოლაპარაკებებს ისეთი სააგენტოების დახმარებით მართავენ, როგორებიც არის: Creative Artists Agency, United Talent Agency და International Creative Management Partners.

როგორც გამოცემა წერს, ფეისბუქი ამაზონისა და ნეტფლიქსის მსგავს პლატფორმას ჩამოაყალიბებს, სადაც გარკვეული აუდიტორიისთვის ხელმისაწვდომი სერიები იქნება, მათ შორის მცირე - 4-10 წუთიანი, 30 წუთიანი და სრულმეტრაჟიანი სერიალებიც.

როგორც ცნობილი გახდა, ფეისბუქი ზაფხულის ბოლომდე მოლაპარაკებებს დაასრულებს და სერიალების გადაღებებიც დაიწყება. $3 მილიონი კი სრულიად საკმარისი იქნება კარგი სერიალის გადასაღებად. ცნობისთვის, House Of Cards-ის ერთი სერია $4.5 მილიონი ჯდება.