"მაგთიმ აბონენტებს გონივრულ ვადაში ინფორმირების გარეშე ჩამოაჭრა მეგაბაიტები. ამიტომ მოხმარებელს აქვთ კანონიერი ინტერესი მოითხოვონ გაუხარჯავი მეგაბაიტების ღირებულების უკან დაბრუნება", - ასე შეაფასა მაგთიკომის გავრცელებული განცხადება მომხმარებელთა ინტერესების დამცველმა, თამთა ტეფნაძემ.

მაგთიში ამბობენ, რომ ინტერნეტპაკეტების გაუქმების შესახებ მომხმარებლის ინფორმირება არა მათ, არამედ სახელმწიფო სტრუქტურებს ევალებოდათ.

ფოტო: ფოტო ტელეფონის ეკრანიდან

თამთა ტეფნაძემ On.ge-სთან საუბარში აღნიშნა, რომ კომპანიებს ვალდებულება აქვთ მოხმარებლებს სახელშეკრულებო ცვლილებების შესახებ 10 დღით ადრე აცნობონ.

"ამ შემთხვევაში შეიძლება კომპანიის მხრიდან არგუმენტი იყოს ის, რომ გუშინ საღამოს შვიდ საათზე გაიგო საბოლოო შედეგები ტენდერის პირობებთან დაკავშირებით, მაგრამ თუკი მაინც შეზღუდული იყო წინასწარი ინფორმირების ნაწილში, ვადის გათვალისწინებით აუცილებლად გონივრული ვადა უნდა მიეცა მომხმარებლისათვის, რომ მოქმედი ხელშეკრულების პერიოდში შეძენილი მომსახურების გახარჯვისათვის მოხმარებელს ქონოდა ადეკვატური პერიოდი. მხოლოდ ამ ვადის გასვლის შემდგომ შეეძლო ჩამოეჭრა გაუხარჯავი მეგაბაიტები."

ტეფნაძის თქმით, მოხმარებელთა უფლებების დარღვევის შესასწავლად უკვე დაიწყეს მოვკლევა.

On.ge დაუკავშირდა მაგთის, იმის დასაზუსტებლად ევალედობდა თუ არა კომპანიას აბონენტების უფრო ადრე ინფორმირება მეგაბაიტების გაუქმების შესახებ. მათ კომენტარს მიღებისთანავე შემოგთავაზებთ.

გაძვირებული ტარიფებით აბონენტები პირველი მარტიდან სარგებლობენ. სწორედ ამ დროიდან გახდა მაგთი ჯეოსელთან და ბილაინთან ერთად სახელმწიფო სატელეკომუნიკაციო მომსახურების კონსოლიდირებული ტენდერის გამარჯვებული.

გაიგეთ მეტი: