ევროპაში ძლიერი ყინვის გამო გარდაცვლილების რაოდენობა 55-მდე გაიზარდა, აქედან 21 დაღუპული პოლონეთიდან იყო.

შვიდი ადამიანი გარდაიცვალა სლოკავკეთში, ხოლო ექვსი ჩეხეთში. ესპანეთში გარდაცვლილი სამი ადამიანიდან ერთი უსახლკარო იყო, რომელსაც მიტოვებულ ფურგონში ეძინა.

ხუთი ადამიანი გარდაიცვალა ლიტვაში, ოთხი საფრანგეთში, ორ-ორი სერბეთში, იტალიაში, სლოვენიასა და რუმინეთში. ერთ-ერთი ადამიანი დაიღუპა დიდ ბრიტანეთსა და ნიდერლანდებში.

მსოფლიო ჯანდაცვის ორგანიზაციის თქმით, ძლიერი ყინვები დიდ საფრთხეს უსახლკაროებისთვისა და მიგრანტებისთვის წარმოადგენს.

პარიზში, დაახლოებით, სამი ათასი უსახლკაროსთვის საგანგებო თავშესაფრები შეიქმნა.

ირლანდიაში ელოდებიან, რომ ბოლო ათწლეულების განმავლობაში ყველაზე დიდი დიდთოვლობა იქნება. დუბლინის აეროპორტებში რეისები შეჩერებულია და, სავარაუდოდ, შაბათამდე არ აღდგება.

შვეიცარიის ქალაქ ჟენევაში აეროპორტი ერთი დღით დაიკეტა. საფრანგეთში, ქალაქ მონპელთან, ორი ათასამდე მძღოლი 24-საათია საცობში იყო.

უჩვეულოდ ცივ ამინდს ევროპაში სხვადასხვა სახელი დაარქვეს. ბრიტანელებმა მას "ურჩხული აღმოსავლეთიდან", ხოლო ნიდერლანდელებმა "ციმბირის დათვი" შეარქვეს.