საგარეო საქმეთა მინისტრმა, მიხეილ ჯანელიძემ განაცხადა, რომ აშშ-ს სახელმწიფო მდივნის, ჯონ კერის ვიზიტი ნატოს ვარშავის სამიტის წინ, იყო ძალიან მნიშვნელოვანი გზავნილი, რომ აშშ საქართველოს ევროპული და ევროატლანტიკური ინტეგრაციის გზაზე გვერდით უდგას:

"გზავნილი იყო ძალიან მკაფიო საქართველოს სახელმწიფოს სუვერენიტეტის და ტერიტორიული მთლიანობის განუხრელი მხარდაჭერის კუთხით. ვარშავის სამიტიდან საქართველო ელოდება, რომ მიიღებს კიდევ უფრო მეტ გარანტიებს იმისათვის, რომ ჩვენი პრაქტიკული თანამშრომლობა კიდე უფრო გაძლიერდება ნატოსთან და ალიანსთან".

აშშ-ს სახელმწიფო მდივანი, ჯონ კერი საქართველოს 7 ივლისს ეწვია. ვიზიტის ფარგლებში ორ ქვეყანას შორის სტრატეგიული პარტნიორობის შესახებ რეფერენდუმს მოაწერეს ხელი. კერიმ თბილისი დღეს დატოვა.ხვალ კი ვარშავაში ნატოს სამიტი იწყება.