ნაადრევად დაობლებული ცხვარი მარლი, რომელიც ოჯახმა იშვილა, ძაღლ ჯესისთან ერთად იზრდებოდა, სწორედ ამიტომ, ახლა მისი პატრონები ცდილობენ ასწავლონ, თუ როგორ უნდა გახდეს ის ცხვარი.

ექვსი თვის მარლის ისე მოეწონა ძაღლივით მოქცევა, რომ ახლა ჩვეულებრივ ცხვრებთან ცხოვრება და მათი გაგება ძალიან უჭირს, თივასა და ბალახზე მეტად კი ძაღლის მშრალი საკვები მოსწონს.

ფოტო: SWNS - Leeds SWNS

"მარლის ძალიან უყვარს ცხოველები და მათთან თამაში, განსაკუთრებით კი იხვებთან და ძაღლებთან ურთიერთობა მოსწონს" - ამბობს მარლის პატრონი.

ყველაზე დიდი პრობლემა მაინც ის არის, რომ მარლი ვერც სიცივეს ეგუება და აღარც ეზოში გაჩერება უნდა.