თბილისის საქალაქო სასამართლომ დის ცემაში ბრალდებული პირი დამნაშავედ სცნო და 8-თვიანი პატიმრობა მიუსაჯა.

პროკურატურის ცნობით, 2017 წლის 9 დეკემბერს, თბილისში, დაახლოებით 21 საათზე, ურთიერთშელაპარაკებისას წარმოშობილი კონფლიქტის საფუძველზე ბრალდებულმა დას სახეში რამდენჯერმე დაარტყა ხელი, შემდეგ კი თმებში ძლიერად მოქაჩა.

სამართალდამცველებმა ლ.ბ. 2017 წლის 18 დეკემბერს თბილისში დააკავეს. მას ბრალდება სისხლის სამართლის კოდექსის 126¹-ე მუხლის პირველი ნაწილით (ოჯახის ერთი წევრის მიერ მეორეს მიმართ ძალადობა, რამაც ფიზიკური ტკივილი გამოიწვია) წარედგინა.