ბუენოს აირესში, რუსეთის საელჩოს შენობაში 22 თებერვალს, არგენტინელმა სამართალდამცავებმას ტრანსპორტირებისთვის განკუთვნილი, დაფასოებული 389 კგ კოკაინი ამოიღეს. ინფორმაციას ამის შესახებ ადგილობრივ გამოცემა Todo Noticias-ზე დაყრდნობით, Fox News-ი ავრცელებს.

მედიაში არსებული ინფორმაციით, სპეცოპერაციის დაგეგმვაში, მონაწილეობა რუსეთის სამართალდამცავმა სტრუქტურებმაც მიიღეს. როგორც ვარაუდობენ, სულ დანაშაულებრივ ჯგუფში ხუთი ადამიანი იყო ჩართული, რუსეთისა და არგენტინის მოქალაქეები. არგენტინელმა სამართალდამცავებმა უკვე მოახერხეს ორი მათგანის დაკავება. ერთი მათგანი, ბუენოს აირესის პოლიციის ოფიცერია, ხოლო მეორე, რუსი ყოფილი ჩინოვნიკი. კიდევ ერთი მათგანი, სავარაუდოდ, თავს გერმანიას აფარებს. სამართალდამცავებისთვის ჯერჯერობით უცნობია, კრიმინალურ სქემაში მონაწილე სხვა პირების ადგილსამყოფელი.

არგენიტინის ოფიციალური სტრუქტურების განცხადებით, გახსნილია სქემა, რომლითაც დიპლომატიური სამსახურის დახმარებით ნარკოტიკები არგენტინიდან ევროპისა და რუსეთის ტერიტორიაზე გადაჰქონდათ. ამოღებული კოკაინის საბაზრო ღირებულება დაახლოებით $50 მილიონია. 389 კგ კოკაინი სულ 360 პაკეტში იყო დაფასოებული, სამართალდამცავების თქმით, დიპლომატიური ფოსტის მეშვეობით იგეგმებოდა კოკაინის ეტაპობრივი გადაგზავნა რუსეთისა და ევროპის კონკრეტული ქვეყნების მიმართულებით.

ფაქტს ტვიტერის პირად გვერდზე გამოეხმაურა, არგენტინის უშიშროების მინისტრი პატრიცია ბურლიჩი. მინისტრის თქმით, ოპერაციაში ჩართული იყო რუსული მხარეც და არგენტინულ მხარესთან ერთად აწარმოებდა გამოძიებას, რომელიც ერთ წელზე მეტია მიმდინარეობს.

სპეცოპერიაციში რუსი სამართალდამცავების მონაწილეობა, ასევე, დაადასტურა რუსეთის საგარეო სამინისტროს პრესსამსახურმა, თუმცა ოპერაციის დეტალების გამხელისგან უწყებაში თავი შეიკავეს.