ოჰაიოს პოლიცია ბავშვზე სავარაუდო ძალადობის შემთხვევას იძიებს, მას შემდეგ, რაც დედის ფეისბუქის პოსტი გავირუსდა.

კრისტინ ჯონსონმა მისი შვილის, კელსეის, ფოტო გამოაქვეყნა, სადაც ჩანს, რომ თინეიჯერს თმები აქვს შეჭრილი.

დედის თქმით, მის შვილს მამამ და დედინაცვალმა თმები მას შემდეგ შეჭრეს, რაც გოგომ თავისი დაბადების დღისთვის თმებზე მელირება გაიკეთა.

"ასე გამოიყურებოდა ჩემი შვილი კვირას, როდესაც ის სახლში მომყავდა. ხოლო შემდეგ ორ ფოტოში ჩანს, მისი შეცვლილი გარეგნობა".

პოსტს უკვე 25 ათასზე მეტი შეარი აქვს. ადგილობრივმა პოლიციამ ბაზფიდთან დაადასტურა, რომ გამოძიება ბავშვზე სავარაუდო ძალადობის ბრალდებით მიმდინარეობს.

კელსეის მამა და დედინაცვალი მეხანძრეთა ჯგუფში მოხალისედ მუშაობდნენ, თუმცა ისინი უკვე დაითხოვეს.

რამდენიმე დღის შემდეგ, კრისტინამ დაწერა, რომ მის შვილს მეგობრის სილამაზის სალონმა პარიკი აჩუქა. სალონის წარმომადგენლის თქმით, ამ გზით თინეიჯერისთვის თავდაჯერებულობის აღდგენა სურდათ.