ბევრისთვის ახალი ამბავი ნამდვილად არ იქნება როცა გაიგებს, რომ მალე Warner Bros. ჯოკერის ისტორიაზე ახალ ფილმს გადაიღებს, რომლის რეჟისორიც ტოდ ფილიპსი იქნება.

ახლახან ცნობილი გახდა, რომ ჯოკერის როლზე რეჟისორისა და პროდიუსერების არჩევანი ხოაკინ ფენიქსზე შეჩერდა.

რაც შეეხება პროდიუსერის ადგილს, ცნობილია, რომ კინოსტუდიამ ფილმზე სამუშოდ ლეგენდარულ რეჟისორი მარტინ სკორსეზე მიიწვია, რომელსაც თავის მხრივ სურდა, რომ ჯოკერის როლი ლეონარდო დიკაპრიოს შეესრულებინა.

როგორც ჩანს, საბოლოოდ არჩევანი მაინც ხოაკინ ფენიქსზე შეჩერდა, რომელიც ეჭვი არავის ეპარება, რომ ამ როლს ძალიან კარგად მოირგებს.

რაც შეეხება დიკაპრიოს, უნდა აღინიშნოს ისიც, რომ მსახიობს საკმაოდ დატვირთული გრაფიკი აქვს, ცოტა ხნის წინ ის Paramount Pictures-მა უოლტერ ისააკსონის წიგნის ეკრანიზაციაში ლეონარდო და ვინჩის როლზე დაამტკიცა.

რაც შეეხება დიკაპრიოს სხვა პროექტებს, სულ მალე ოსკაროსანი მსახიობი National Geographic-თან ერთად ამერიკის ასტრონავტიკის ისტორიაზე სერიალის პროდიუსერი იქნება.

ამავდროულად მარტინ სკორსეზე და ლეონარდო დიკაპრიო ისეც ერთიანდებიან. რეჟისორი მსახიობს ახალ ფილმში Killers Of The Flower Moon გადაიღებს, რომელიც ამავე სახელწოდების ნამდვილ ამბავზე დაფუძნებული კრიმინალური რომანის ეკრანიზაცია იქნება.

სულ მალე ლეონარდოს მონაწილეობით კიდევ ერთ ფილმს ვიხილავთ სახელწოდებით - შავი ხელი, რომელიც სტეფან ტოლთის წიგნის ეკრანიზაციაა.