ოსკაროსანი მსახიობი ლეონარდო დიკაპრიო სტეფან ტოლთის წიგნის შავი ხელის ეკრანიზაციაში მთავარ როლს შეასრულებს.

ფილმს Paramount Pictures გადაიღებს. რეალურ ამბავზე დაწერილი წიგნი ამერიკული მაფიის შესახებ გვიყვება, რომელსაც იტალიელ შერლოკ ჰოლმსად შერაცხული პოლიციელი ჯოი პეტროსინი ებრძვის.

აღსანიშნავია, რომ ლეონარდო ფილმის პროდიუსერიც იქნება.

ლეონარდო დიკაპრიო ამჟამად მარტინ სკორსეზეს ახალ ფილმში ეშმაკი თეთრ ქალაქში მონაწილეობისთვის ემზადება. ისტორია 1893 წელს ვითარდება და ორი მამაკაცის, დენიელ ბარნჰემისა და დოქტორ ეიჩ ჰოლმსის გარშემო ვითარდება. დენიელ ბერნჰემი ცნობილი ამერიკელი არქიტექტორია, ეიჩ ჰოლმსი კი - სერიული მკვლელი, რომელიც სპეციალურად აგებულ "მკვლელობის სასახლეში" ადამიანებს ანაწევრებს და სხეულის ნაწილებს სამედიცინო ინსტიტუტებზე ყიდის.

ლეონარდოს კიდევ ერთი სამომავლო გეგმა: ის 50-იანი წლების ერთ-ერთ ყველაზე ცნობილ პროდიუსერზე, სემ ფილიპსზე გადაღებულ ფილმში მთავარ როლს შეასრულებს.