2016 წლიდან მოყოლებული, ჯიმ კერის ყოფილი შეყვარებულის დედა შვილის სიკვდილში ადანაშაულებდა და ამბობდა, რომ სწორედ ჯიმმა მიიყვანა უაითი თვითმკვლელობამდე.

30 წლის კატრიონა უაითი 2015 წელს, ლოს-ანჯელესში წამლების გადამეტებული დოზის მიღების შემდეგ გარდაიცვალა.

"ოჯახს სურს, რომ მსოფლიომ იცოდეს სიმართლე იმის შესახებ, თუ ვინ არის სინამდვილეში ჯიმ კერი. ეს ის მამაკაცია, რომელიც თქვენს ქალიშვილს სამ ვენერიულ დაავადებას გადასდებს, ამის შესახებ ტყუილებს იტყვის, თქვენს შვილს დაამცირებს, მის ძვირადღირებულ ადვოკატებს გამოიყენებს და ბევრ ფულს გადაუხდის იმისთვის, რომ ის და მისი ოჯახი გააჩუმოს, ბოლოს კი, არალეგალურ წამლებს მისცემს, რაც საბოლოოდ თქვენს შვილს მოკლავს", - ამბობდა კატრიონას დედა ბრიჯიტი უაითი.

ამავე მიზეზით, სარჩელი კატრიონას მეუღლემ მარკ ბარტონმაც შეიტანა და თქვა, რომ მის ცოლს ჯიმი იმ წამლებით ამარაგებდა, რომლებიც მან საბოლოოდ თვითმკვლელობისთვის გამოიყენა.

ჯიმ კერის ადვოკატები ამბობდნენ, რომ იმ შემთხვევაში თუ კატრიონას დედა სასამართლოზე სიმართლეს ვერ დაამტკიცებს, მას, ტყუილი ბრალდებებისა და ცილისწამებისათვის, მსახიობისთვის $372 ათასის გადახდა მოუწევდა.

პროცესი 2018 წლის 26 აპრილს იყო ჩანიშნული, თუმცა სხდომის ჩატარება აუცილებელი აღარ იქნება, რადგან ჯიმ კერის ყოფილი შეყვარებულის თვითმკვლელობამდე მიყვანის ბრალდება უკვე მოუხსნეს.