თბილისის საქალაქო სასამართლომ ცოლისა და სიდედრის ცემაში ბრალდებულს ერთწლიანი პატიმრობა მიუსაჯა.

სასამართლოს ინფორმაციით, 2017 წლის სამ დეკემბერს ქმარმა ორივე დაზარალებულს ფიზიკურური შეურაცხყოფა მიაყენა, რა დროსაც ცოლს ხელი ჰკრა და იატაკზე წააქცია. ცოლმა წაქცევისას თავი იატაკს დაარტყა. ბრალდებულმა, ასევე, ხელი ჰკრა სიდედრს, რა დროსაც მან თავი მაგიდას ჩამოარტყა.

უწყების თქმით, ამის შემდეგ კაცმა ორის თმებში ჩაავლო ხელი და გვერდით ოთახში გაათრია, რის შემდეგაც დანის გამოყენებით მოკვლით ემუქრებოდა.

გამოძიება სისხლის სამართლის 111 151-ე მუხლის პირველი ნაწილით (სიცოცხლის მოსპობის მუქარა, ჩადენილი ოჯახის წევრების მიმართ) და 1261-ე მუხლის მე-2 ნაწილის "გ" ქვეპუნქტით (ოჯახის ერთი წევრის მიერ მეორეს მიმართ ძალადობა, რამაც ფიზიკური ტკივილი გამოიწვია, ჩადენილი ორი პირის მიმართ) მიმდინარეობდა.