Kelvin’s Book - ასე ერქმევა ათ ეპიზოდიან სერიალს, რომელსაც ლეგენდარული ავსტრიელი რეჟისორი მიჰაელ ჰანეკე გადაიღებს.

"ათი სატელევიზიო ფილმისა და 12 კინოსურათის შემდეგ, მსურს ერთხელ მაინც მოვყვე უფრო გრძელი ისტორია", - ოსკარისა და ორი ოქროს პალმის რტოს მფლობელი რეჟისორი.

მიუხედავად იმისა, რომ სერიალის გადაღებებს გერმანული საპროდიუსერი კომპანია უხელმძღვანელებს, ჰანეკეს სერიალი ინგლისურენოვანი იქნება.

"Kelvin’s Book არაჩვეულებრივი, შთამაგონებელი და ამბიციური ისტორიაა და გვიჩვენებს ციფრული ეპოქის გამოწვევებს, დროს რომელშიც ჩვენ ვცხოვრობთ. დამიჯერეთ, ახლა ამ პროექტის გასაკეთებლად საუკეთესო პერიოდია, განსაკუთრებით მაშინ, როდესაც მას ჩვენი დროის ერთ-ერთი საუკეთესო რეჟისორი გადაიღებს", - ამბობს შოუს ერთ-ერთი პროდიუსერი.

სერიალი დისტოპიური ჟანრისაა და ის ადამიანთა ჯგუფის შესახებ მოგვითხრობს, რომლებსაც საკუთარი კომფორტის ზონიდან გასვლა უწევთ.