შინაგან საქმეთა სამინისტროს განცხადებით, 2017 წლის 30 დეკემბრიდან, სამართალდამცველებმა ოჯახში ძალადობის ბრალდებით 14 პირი დააკავეს. უწყება ბოლო პერიოდში, საქართველოში მომხდარი კრიმინალური ფაქტების სტატისტიკას აქვეყნებს.

შსს აცხადებს, რომ ბრალდებულები დააკავეს ლაგოდეხში, რუსთავში, ხაშურში, ნინოწმინდაში, ასპინძაში, ახალციხეში, ადიგენში და ახალქალაქში. დანაშაული 1-დან 3 წლამდე ვადით თავისუფლების აღკვეთას ითვალისწინებს.