ოქროს გლობუსი 2018 აუცილებლად შევა ისტორიაში. ამის ერთ-ერთი უმთავრესი მიზეზი კი ის მსახიობები არიან, რომლებმაც ქალთა მიმართ ძალადობის გასაპროტესტებლად წითელ ხალიჩაზე შავი კაბები ჩაიცვეს და კიდევ ერთხელ დაგმეს სექსუალური შევიწროება, დამცირება და ძალაუფლების ბოროტად გამოყენება.

ოქროს გლობუსის დასრულების შემდეგ მთელი მსოფლიო შავი ხალიჩის გარდა კიდევ ერთ დეტალზე საუბრობდა.

ხანგრძლივი პაუზის შემდეგ კამერების წინ მეგი სმიტი გამოჩნდა და თანაც არა შავი, არამედ იასამნისფერი კაბით.

მეგი სმიტისგან ეს საქციელი ინტერნეტსივრცეში უარყოფითად აღიქვეს და აინტერესებდათ, ქალთა უფლებების ერთგულ დამცველს, მსახიობს, რომელიც საკუთარ თავს ფემინისტს უწოდებს, რატომ არ ეცვა პროტესტის ნიშნად შავი.

სიმართლე კი სულ სხვა აღმოჩნდა - მსოფლიო მოტყუვდა. ლეგენდარული მეგი სმიტი ოქროს გლობუსის დაჯილდოებაზე საერთოდ არ ყოფილა. ხოლო ფოტო, რომელიც მედიამ ასე აქტიურად გაავრცელა, მსახიობი კი კრიტიკის ხარცეცხლში გაატარეს, სინამდვილეში 2016 წელს BAFTA-ზეა გადაღებული.

როგორც ჩანს, ვიღაცამ ფოტოშოფი კარგად იცის და ყველა გაგვაცურა. მათ შორის ძალიან გავლენიანი და პოპულარული ინტერნეტ გამოცემები.

ფოტო, რომელიც სინამდვილეში BAFTA-ზეა გადაღებული

ფოტო, რომელიც სინამდვილეში BAFTA-ზეა გადაღებული

მეგი სმიტი BAFTA 2016-ზე

მეგი სმიტი BAFTA 2016-ზე