დახლოებით ერთი საათის წინ თბილისში, თამარ მეფის გამზირზე, გზაზე გადასვლისას ქალს მანქანა დაეჯახა. დაშავებული ქალის ფოტო On.ge-ს თვითმხილველმა მიაწოდა.

საქართველოს შინაგან საქმეთა სამინისტრომ საქმეზე გამოძიება სისხლის სამართლის კოდექსის 276-ე მუხლის პირველი ნაწილით დაიწყო. ამ მუხლით, ავტომობილის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.

შინაგან საქმეთა სამინისტროს თანამშრომლებს გამოძიება დაწყებული აქვთ. უწყებაში ამბობენ, რომ მძღოლი ადგილიდან არ მიმალულა.